ودي اشوفك يوم يعلن مماتي ــ قصه وقصيده
يقال ان علاقه حب عفيف وشريف جمعت بين شخصين لدرجه انه يضرب المثل بحبهم لبعض .
مالكم بالطويله .. المراد انه شاع بين جماعتهم انهم خلاص لبعض لدرجه ان ابو البنت كان
متفهم للوضع وموافق على الزواج والخطوبه . وخلاص ناوي يتمم حبهم على خير ويتزوجون
بس كتب رب العزه والجلال انه يجيه يومه قبل يتحقق هالشي . مشيئة الرحمن وما شاء كان .
وبعد وفاة ألاب رحمه الله . صارت ولاية البنت لاخوها الكبير واللي عَرف عنه كرهه الشديد
للولد مع انه ما كان فيه شي يعيبه ... المهم عاند وكابر ورفض يتمم زواج أخته لمعشوقها دام
خشمه يشم الهواء على قولته طبعا .. وفي يوم من الايام قرر انه يفتك
من حنة العجيز أمهم ويزوج اخته من احد اصدقاه الخاصين . وتم له ذلك وحرمها من عشيقها .
البنت المسيكينه المغلوب على امرها تهيضت وقالت هالابيات الثلاث المغرقة بالحزن وألألم
وارسلتها لعشيقها .
تقول فيها:
تحّمل واحضـر اليـوم زواجـي .......... ودي اشوفك يوم يعلن مماتي
شفني بنفسك هيكل فوق كرسي ......... ثوبي كفن يصرخ بلحظه مماتي
الله صبرك كيف الايـام تقسى ........... ياليتهم بالعرس حطو وصاتي
وكان وهو مقتل البنت الله يرحمها
2008-02-01, 19:46
